میں ڈردی کجھ نئیں کہندی آں... از: ناعمہ عزیز

میں ڈُب کے تردی رہندی آں
میں ایس اے ڈر وچ رہندی آں
جے ٹٹیا دل نئیں جڑ پایا
کوئی دور گیا نئیں مڑ آیا
ہنجواں نوں روکدی رہندی آں
میں ڈردی کُجھ نئیں کہندی آں

لکھیاں نوں کون مٹا سکدا
نئیں چوٹاں دل تے کھا سکدا
میں سب کجھ دل تے سہندی آں
میں ڈ دی کجھ نئیں کہندی آں

ایس جگ تے کوئی کسے دا نئیں
میں ایس لئی اپنی رہندی آں
میں وانگ شدایاں جیندی آں
میں ڈردی کجھ نئیں کہندی آں

از: ناعمہ عزیز